Nawawalang Prinsesa

Nawawala ang prinsesa gabi-gabi. walang makapagsabi kung saan siya pupupunta.

nagpabalita ang hari na ang sino mang makapagturo kung saan tumitigil ang anak tuwing hating gabi ay bibigyan ng kalahati ng kaharian, kung binata ay ipapakasal sa prinsesa. Ngunit, kapag nabigo ang naprisintang nagbabantay pupugutan siya ng ulo.

Marami ang nag takang makipagsapalaran hindi lamang dahil sa kayamanang matatamo kundi dahil sa napaganda daw na prinsesa. Ang lahat na ito ay nabigo. Wala paring makapagsabi kung bakit nawawala ng prinsesa tuwing hating gabi..

Sa kalagitnaan ng gubat na malapit sa palasyo, may isang dampang tinitirhan ng isang matandang mangkukulam. Isang araw ay dinalaw ang matanda ng binatang napamahal sa kaniya dahil madalas siyang tinutulungan nito.

Ngayon nman ay humingi ng tulong ang binata. Maganda po talaga ang prinsesa kaya tulungan po ninyo akong magtagumpay ako sa kanya.

Binigyan siya ng isang balabal na kapag itoy sinampay sa kanyang balikat ay hindi siya makikita ninuman.

Nang gabing iyon, nasa labas siya ng silid ng prinsesa at handang magbantay. Biglang nabuksan ang pinto at tumambad sa kanya ng napakagandang binibini.

Nang naramdaman niya na lumabas na ang prinsesa sinundan niya ito, May dinaraanan palang tagong pintuan ito na palabas ng palasyo.

Sumakay sa isang naghihintay na karwahe ang prinsesa. Di nito alam na kasama ang binata dahil hindi niya ito nakikita.

Nag tuloy sa isang malayong gubat ang karwahe, Sa gitna ng Kahuyan huminto ito at bumaba ang prinsesa. Sa likod ng isang puno, tinanggal ng binata ang kanyang balbal at naglagay ng maskara. Nalaman niya na ang prinsesa pala ay nakikipag sayaw sa mga diwata.

Nilapitan niya ang prinsesa at sila'y nag sayaw. Nag sayaw sila nang nag sayaw hanggang mapagod ang dalaga at halos mabutas ang mga suwelas ng sapatos.

Muling isinoot ng binata ang balabal nang paalis na ang karwahe at sila'y bumalik sa palasyo . "Masasabi mo ba kung bakit nawawala ang prinsesa tuwing hating gabi? tanong ng hari nang humarap sa kanya ang binata kinaumagahan.

"Opo Mahal na Hari! Nakikipagsayaw po siya sa mga diwata sa gubat gabi-gabi. Ito po ang katunayan-itong halos warak ng sapatos na kinuha ko sa kanyang pinagtapunan matapos makasayaw ko siya.

Ipinatawag ng hari ang prinsesa at hindi namn ito makatangi sa amang nagpakita ng katunayan. Balak pa sana ng prinsesa na umayaw na magiging asawa niya ang binata, ngunit nang ilagay nito ang maskara, nakilala niya ang kasayaw na kinagigiliwan nang nagdaang gabi.

Tumugtog ang banda at masuyong niyaya ang binata na magsayaw sila ng prinsesa na masya namang yumakap sa kanya.

-Kenneth John Ulgasan